«Тұран» колледжінде «Менің ИТ-идеям» атты сайыс болып өтті

Кеше 25.02.2020ж. «Тұран» колледжінде Нұр-Сұлтан қаласының колледждері студенттерімен мектеп оқушылары арасында «Менің ИТ-идеям» атты сайыс болып өтті. Оған мектебіміздің атынан 10 - сынып оқушылары Мунтинов Даниал мен Тультаева Томирис қатысып, ІІ-орынды жеңіп алды. Жалпы осы сайыс 2-кезеңнен тұрды, 1-кезең бойынша алдын ала берілген тапсырмаға сәйкес Тультаева Томирис «Казэко» компаниясына логотип жасап, «Фирмалық стиль» дайындады. 2-кезең бойынша Мунтинов Даниал «Казэко» компаниясының сайт үлгісін жасады. Жалпы сайыс жайында айтатын болсақ, өте тартысты өтті. Қаламыздың 14 мекемесінен 30 үміткер қатысты. «Фирмалық стиль» және «Цифрлық дизайн» кезеңдері бойынша үміткерлер өз жұмыстарын таныстырды. Сайыс соңында командалардың 1-2 кезеңдері бойынша жұмыстары бағаланып, қатысушылар төмендегідей нәтижеге қол жеткізді:

І-орын Сурина Екатерина №31МЛ.,

ІІ-орын Мунтинов Даниал, Тультаева Томирис №35 МЛ.,

ІІІ-орын Асаинұлы Диас, Гудина Ирина Экономикалық лицей

ІІІ-орын Сагадат Аида №59 МЛ.

Осындай нәтижеге қол жеткізіп отырған мектебіміздің 10 «К» сынып оқушылары Мунтинов Даниал мен Тультаева Томиристы және жетекшілері Қазымбек Абай Қуанышбайұлын жетістіктерімен шын жүректен құттықтаймыз! Алдағы уақытта шығармашылықтарыңызға мол табыс, талмас қанат, бұданда биік асуларды бағындыра берулеріңізді тілеймін!

Комментарии