Тәуелсіздік күніне сынып сағаты

Тәуелсіздік күніне сынып сағаты
Тәуелсіздік!Қасиетті де,құдіретті осы бір ұғым.
Тәуелсіздік атты бұл тәтті сөздің тұңғиығына ата-бабаларымыздың ғасырлар бойғы асыл арманы,азаттық жолында құрбан болған талай-талай боздақтардың ұрпаққа қалған аманаты жатыр.Ұлы даланың жас перзенті-қалың қазақтың азаттық мұратындағы қасиетті күрестері,тағдыр алға тартқан талай тар жол,тайғақ кешулер жатыр.Жаңа ғасырмен бірге келген ел тәуелсіздігі азаттық ұранын ұрпағына ұлағат еткен бабалар үрдісінің жалғасы.
Ел болып шырқар – басты әнім,
Ел болып жырлар – дастаным.
Бір өзің десем, артық па?
ТӘУЕЛСІЗ ҚАЗАҚСТАНЫМ!
Міне, осындай ұранмен 5 «Ә»сыныбында Дариға Оспанқызы Тәуелсіздік күніне арналған сынып сағатын өткізді. Сынып сағатының мақсаты: Тәуелсіздіктің қадірін білуге және құрметтеуге үйрету, Ұлт патриоты болуға тәрбиелеу. Сабақ барысында оқушылар өздерінің елге деген сүйіспеншіліктерін, еліміздің дамуына қандай үлес қосып жатқандарын
айтты.
Сабақтың соңында «Атамекен» әнін зор құрметпен орындалды.

Комментарии