Абай Құнанбаевтың туғанына 175 жыл толуына арналған мектеп-лицейімізде 28 ақпан күні «Абай лебі, үні, Абай тынысы - заман тынысы, халық үні» атты қалалық іс-шара өтілді. Осы іс-шараның мақсаты: жастарды, жас өспірім балғындарды дана Абайдың шығармашылығына тарту, ұлы адамның идеясын насихаттау болды.Іс-шара барысында дара ақын Абайдың дүниеге келуі, он үш жастағы Абай, жас Абай жолынан мектеп оқушылары көріністер арқылы Абай әлеміне саяхат жасады. Қандай ұлы құбылыс болса да, дана Абай аударма саласында да өзінің ерекше дарындылығын көрсетті. Бұны мектеп оқушылары А.С.Пушкиннің Татьяна мен Онегиннің хаттары арқылы жеткізді. Осы кеште Абай әні қалықтап, өлеңдері оқылып, оның «Бұл жасқа келгенше жақсы өткіздік пе; жаман өткіздік пе, әйтеуір бірталай өмірімзді өткіздік: алыстық, жұлыстық, айтыстық, тартыстық-әурешілікті көре-көре келдік. Енді жер ортасы жасқа келдік: қажыдық, жалықтық; қылып жүрген ісіміздің баянсысын, байлаусысын көрдік, бәрі құршылық екенін білдік» дегендей ойшыл Абайдың қара сөздерінен хибрат алды. Абайды таныту арқылы біз Қазақстанды әлемге танытамыз, қазақ халқын танытамыз. Абай әрқашан біздің ұлттық ұранымыз болуы тиіс деп, іс-шараны аяқтадық.

Чтобы оставлять комментарии авторизуйтесь